“Seria e vrasjeve nuk do ndalet, do ketë të tjera viktima” Artan Hoxha bën paralajmërimin e frikshëm

Pas ditëve të fundit në të cilat kanë ndodhur  dy vrasje dhe situata kriminale në vend është rënduar, ka folur edhe gazetari i njohur investigativ Artan Hoxha.

I ftuar në programin “ABC e mëngjesit” Hoxha ndërsa ka komentuar vrasjen në Tropojë dhe në Rrëshen, ka bërë dhe një paralajmërim të frikshëm.

Sipas tij, të dyja janë vrasje të llojit mafioz dhe shprehet se kjo seri nuk ka mbaruar dhe do të ketë dhe të tjera viktima.

“Kemi të bëjmë me vrasje të tipit mafioz  dhe ato janë të frikshme. Kjo do të thotë se janë në vijim, pra që nuk ka mbaruar seria e vrasjeve. Vrasjet e fundit tregojnë se ngjarja do të ketë vijim dhe kanë premisa të shkaktojnë viktima të tjera, kjo është e frikshme.

Ngjarja në Tropojë dhe Rrëshen, janë tipike të krimit të organizuar. Janë në gjendje të zhdukin provat dhe të vijojnë të njëjtën gjë. Janë ndryshe ngjarjet ku zbulohet autori, kur kemi të bëjmë me vrasje për motive të dobëta apo krime pasioni. Por këto të tjerat nuk ka as orientim për të gjetur autorin e kjo është shumë problematike”, deklaroi Hoxha në studio.

🎙️ Podcast “Money Hour” | Fast News Economy

🏛️ LIGJET E BIZNESIT–Ligji në Kohë Reale për Biznesin Modern