Rudina Dembacaj super e dashuruar me Mark Frrokun, zbulon arsyen pse u nda nga bashkëshorti

Moderatorja e njohur shqiptare, Rudina Dembacaj, ka qenë e ftuar pasditen e djeshme në programin “Rudina” në Tv Klan. Për herë të parë, ajo ka folur për divorcin, lidhjen me Mark Frrokun dhe planet për martesë.

Për ish bashkëshorti i saj, Aleksi, Rudina thotë se është baba i mrekullueshëm dhe ia do gjithmonë të mirën. “Ka një baba të mrekullueshëm, për mua do jetë gjithmonë babai i Viktorias dhe do i dua gjithmonë të mirën, siç e ndjej që e do dhe ai të mirën time. Jemi goxha miq”, u shpreh Rudina. Po ashtu, ajo ka treguar se dyshja ndaluan së funksionuari si një çift dhe ndaj vendosën t’i jepnin fund martesës, duke mbetur miq.

Gjatë intervistës në studio, Rudina thotë gjithashtu se me Markun njihej vite më parë, por ka rënë në dashuri me të, kur ishte totalisht single. Për herë të parë aktorja tregon se ndihet totalisht e dashuruar me ish deputetin dhe se nuk dëshiron ta fshehë një gjë të tillë.

Moderatorja e emisionit e ‘ngacmon’ nëse e ka sërish në plan martesën, aktorja thotë se për momentin ajo dhe Markun po shijojnë dashurinë, por sigurisht që një ditë do të martohen. Ajo shtoi gjithashtu se të dy janë veriorë dhe se tek Marku ka parë të gjitha vetitë e burrnisë që ka babai i saj, ndërsa tek familja e tij ka gjetur të gjithë traditën familjare me të cilën është rritur.