Rrëzimi i avionit që shkaktoi 176 të vdekur, Irani arreston personin që regjistroi videon

Pas rrëzimit të avionit ukrainas, i cili u godit nga një raketë dhe shkaktoi 176 viktima, Irani njofton se ka arrestuar personin që ka regjistruar videon ku filmohej ngjarja.

Sipas informacioneve, ai do të akuzohet për cënim të sigurisë kombëtare dhe vënien në rrezik të saj.

Kujtojmë se avioni ishte i kompanisë “Ukrainë International Airlines” dhe u rrëzua në tokë disa minuta pasi u ngrit nga aeroporti në Teheran.

Ngjarja ndodhi të mërkurën e kaluar dhe si pasojë humbën jetën të gjithë 176 pasagjerët që ndodhin në bord.

Irani më pas pranoi se avioni është rrëzuar aksidentalisht si pasojë e një gabimi dhe njoftoi se disa persona janë arrestuar për ngjarjen.

Presidenti i Iranit, Hassan Rouhani, tha se hetimet për këtë aksident do të zhvillohen nga një gjykatë speciale. “Ky nuk do të jetë një rast i zakonshëm. E tërë bota do ta përcjellë punën e kësaj gjykate”, tha ai gjatë një fjalimi.

Fillimisht Irani mohoi se avioni u godit nga një raketë por deklaroi se u rrëzua përmes sistemit të mbrojtjes ajrore.