“Rindërtimi pas tërmetit përtej mundësive të qeverisë shqiptare” Rama “dorëzohet” përballë Merkelit

Kryeministri Edi Rama dhe kancelarja gjermane Angela Merkel, pas takimit të mbajtur në Berlin, dolën në një konferencë të përbashkët për shtyp.

Në fjalën e saj Merkel, komentoi pasojat e 26 nëntorit dhe procesin e reformave në Shqipëri.

Ajo theksoi se Gjermania do të marrë pjesë në konferencën e donatorëve që do të mbahet më 17 shkurt, për të ndihmuar vendin tonë.

Por nga ana tjetër, kryeministri Edi Rama u shpreh se pasojat e tërmetit tragjik i kalojnë mundësitë e qeverisë shqiptare, duke thënë se Shqipëria nuk mund ta përballojë këtë kosto rindërtimi.

“Diskutuam për nevojën e madhe që Shqipëria ka, në procesin e vështirë të rindërtimit, i cili duke u bazuar në raportin e dëmeve, hartuar në bashkëpunim me BE, përmban një shumë që është përtej të gjitha mundësive tona për ta përballuar të vetëm”, u shpreh Rama.

🎙️ Podcast “Money Hour” | Fast News Economy

🏛️ LIGJET E BIZNESIT–Ligji në Kohë Reale për Biznesin Modern