Rasti i parë me koronavirus në Finland, ja gjendja e pacientes

Në një spital të Finlandës, një turiste kineze u testin pas disa simptomave, dhe rezulton të jetë e prekur me koronavirusin.

Ndërsa, zyrtarë të spitalit qendror Lapland thanë se turistja ishte larguar nga provinca kineze pesë ditë më parë. Ndërkohë kujtojmë që qyteti Wuhan është epiqendra e epidemisë së virusit vdekjeprurës.

Mediat vendase raportojnë se kinezja 32-vjeçare është në gjendje të mirë, kjo edhe për shkak se kishte kërkuar ndihmë mjekësore menjëherë sapo ishin shfaqur simptomat e para.

Simptomat e këtij virusi janë të ngjashme me ato të gripit, si dhimbje koke, temperaturë e lartë dhe vështirësi në frymëmarrje.