Ish-deputeti i Partisë Demokratike ka bërë së fundmi një deklaratë shumë të fortë.
Ai ka komentuar marrjen e kryesimit të OSBE nga Shqipëria për vitin 2020, duke e lidhur këtë veprim me ekstradimin e mësuesit turk, lajm i cili qarkulloi në media masivisht ditët e fundit.
Me anë të një reagiminë rrjetet sociale Shehu shprehet se nuk ka një shtjellim zyrtar për atë që ndodhi ndaj një qytetari turk me atë mënyre skuthësh e pa vendim gjykate, natën e 1 Janarit kur të gjithë pushonin, ditën e parë të Presidencës së OSBE.
REAGIMI I PLOTE I ISH-DEPUTETIT TRITAN SHEHU
Presidenca e OSBE-se filloi me «Rrembim Personi»!
Megjithe insistimet e opinionit nuk ka nje shtjellim zyrtar per cfare ndodhi ndaj nje qytetari turk me ate menyre skuthesh e pa vendim gjykate, naten e 1 Janarit kur te gjithe pushonin, diten e pare te Presidences se OSBE.
Une nuk e di per cfare akuzohet ai mbas kryerjes se denimit, keto jane ceshtje qe i takojne drejtesise.
Mua me intereson se sa ne vendin tim respektohen standartet europiane, ligjet, konventat, sa ai eshte sovran ne zbatimin e tyre, qe jane tregues te demokracise e dinjitetit te cdo shteti, elemente qe Rama i ka deformuar e futur Shqiperine nen vasalitete, ndesh me rrugen tone Perendimore.
Keto pasqyrojne dhe nivelin e te drejtave e sigurise ndaj cdo shtetasi shqiptar perballe arbitraritetit, lidhen direkt me procesin tone drejt Brukselit.
«Rrembim Personi» eshte ne keto kushte deduksioni i asaj qe ndodhi mbi bazen se cfare mediat vendase e turke paraqiten, argumentimit te avokatit, nxitimit ekstrem nga policia a dikush tjeter, si dhe mbas belbezimeve te institucioneve!
Ne nje situate te tille te ngjashme me ate te Kosoves eshte i domosdoshem hetimi nga Prokuroria, kembengulja nga opinioni per trasparence, involvimi i Presidentit te Republikes, si dhe i institucioneve nderkombetare perfshi OSBE-ne.
Kembanat po bijen per te gjithe!
