Tashmë është bërë histori e dëgjuar fakti që shumë emigrantë shqiptarë pasi vinë në atdhe, në momentin që kthehen në shtetin ku banojnë do të marrin me vete ushqimin aq të preferuar tipik shqiptar.
Një gjë e tillë ka ndodhur edhe tani së fundmi. ku mesa duket e kanë tepruar vërtetë.
Autoritetet e doganës në Aeroportin e Filadelfias në SHBA janë shokuar totalisht kur në momentin e kontrollit të valixheve të dy udhëtarëve që vinin nga Shqipëria, kanë gjetur mish të papjekur qingji, gështenja, plendës, presh dhe kremvice.
Gjithashtu kontrollorët treguan se mes gështenjave kishin arritur të gjenin dhe dy insekte të gjalla.
Por autoritetet nuk e kanë lënë me kaq pasi kanë vendosur të sekuestrojnë mallin, dhe kanë lejuar që emigrantët të vazhdojnë më tej me udhëtimin.
