Një sherr masiv raportohet të ketë ndodhur te Fakulteti i Gjuhëve të Huaja pak minuta më parë.

Sipas informacioneve një grup të rinjsh janë përleshur me njëri-tjetrin, ku kanë përdorur dhe armë të ftohta.

Si pasojë dy të rinj janë plagosur, të cilët janë dërguar drejt QSUT për të marrë ndihmën e nevojshme mjekësore.

Nuk dihet gjendja e tyre, ndërkohë sipas dyshimeve e gjitha ka ndodhur për shkak të një debate mes të rinjve.

Policia ka mbërritur në vendngjarje ku po kryhen dhe verifikimet për zbardhjen e ngjarjes.