Mesnatën që sapo lamë pas ka ndodhur një sherr midis tre të rinjve në lagjen “18 nëntori” në qytetin e Gjirokastrës.
Sipas informacioneve dy vëllezërit Enea dhe Kristofor Xhelili 24 dhe 26 vjeç, kanë plagosur me thikë Aleko Shytin, 24 vjeç..
I plagosuri është dërguar urgjentisht për në spitalin rajonal “Omer Nishani”, për të marrë ndihmën e nevojshme mjekësore.
Ndërkohë mësohet se autorët janë shoqëruar në polici, ku Enea Xhelili është arrestuar në flagrancë, ndërsa Kristofor Xhelili është proceduar penalisht.
Policia dhe grupi hetimor vijojnë punën për të zbardhur rrethanat dhe motivin e ngjarjes së rëndë.
