PD denoncon një tjetër kryebashkiak socialist: Është i dënuar, të shkarkohet (EMRI)

Partia Demokratike ka bërë sot denoncimin e rradhës për një tjetër kryebashkiak të Partisë Socialiste.

Bëhet fjalë për Agron Malajn, kryebashkiakun e Matit.

Lajmi është dhënë nga sekretari i Përgjithshëm i PD Gazment Bardhi, i cili ka bërë publik dhe vendimin që sipas tij fakton t shkuarën kriminale të Malajt.

Bardhi shprehet se është koha që Rama të mos fshihet pas Malajt dhe të zgjedhurve të tjerë me të shkuar kriminale.

“Sot PD i ka kërkuar zyrtarisht prokurorisë verifikimin e të kaluarës kriminale të Edi Ramës së Matit. Agron Malaj i dënuar me vendim gjyqësor të formës së prerë për armëmbajtje pa leje dhe i ndalohet kandidimi përjetë për një funksion publik.
PD i kërkon Prokurorisë së Përgjithshme dhe më pas KQZ të veprojë pa asnjë vonesë për administrimin e vendimit zyrtar të gjykatës së Matit dhe heqjen e mandatit për kreun e bashkisë së Matit Agron Malaj”- u shpreh Bardhi gjatë fjalës së tij.