“Pasi mbaroj këngën më zë gjumi”, ja pse u largua nga muzika Renis Gjoka

Këngëtari i njohur shqiptar Renis Gjoka, pak muaj më parë është bërë baba. I ftuar në emisionin “Ftesë në 5”, në Top Channel, është shprehur se kur lindi vajza vendosi të largohej nga ekrani dhe muzika, në mënyrë që t’i përkushtohej vajzës dhe të kalonte më tepër kohë me të. Këngëtari tregoi se i këndon vajzës këngë dhe se Aurës i pëlqen shumë kënga ‘You are so beautiful’.

‘I këndoj këngë të huaja. I pëlqen kur këndoj ‘You are so beautiful’. Kohët e fundit kam vënë re që ka qejf edhe Sting-un pasi po shihja një koncert të tij dhe nga fillimi deri në fund u fiksua aty dhe e shijoi komplet. Unë mundohem që mesa kam mundësi të ndikoj në shijet e saj muzikore. I këndoj me zë të ulët.  Pasi mbaroj këngën më zë gjumi edhe vetë. Është ndjesi shumë e bukur. Mua më vjen mirë se po e shijoj më maksimum dhe kjo është arsyeja pse jam shkëputur kohët e fundit nga muzika, mediat, intervistat. Jam shumë i dedikuar, I bëj xhiro me karrocë. I kam provuar të gjitha”, u shpreh Renis Gjoka.