Pas lirimit të Endrit Dokles, Artan Hoxha e thotë hapur/ Kanë dalë nga burgu për festa e janë kthyer sërish

Mbrëmjen e sotme gazetari i njohur Artan Hoxha ishte i ftuar në “AbcNeës”, nga ku ka folur për të sapo liruarin nga burgu, Endrit Doklen.

Hoxha shprehet në studio se aktualisht nga burgu nuk dalin vetëm ata që nuk duan të dalin apo nuk ua mban xhepi. Gjithashtu theksoi se di shumë raste kur të dënuarit kanë dalë për festa apo darka me shoqërinë dhe janë kthyer sërish.

“Nuk më çudit. Nga burgu po dalin të gjithë. Vetëm ata që s’kanë lekë dhe kanë ngelur edhe për avokat nuk dalin dot. Ose ata që nuk duan të dalin. Këta njerëz nuk kanë nevojë, këta e përballojnë. Ne u kujtua prapë kur Gjykata e nxorri. Por mirë, nuk u kujtove ti kur shkoi çështja në gjykatë? Ne dimë shumë raste që ka pasur të dënuar që kanë dalë për festa apo për darka me shoqërinë dhe janë kthyer sërish. E thashë, këtë leje s’e marrin të gjithë, por ata që ua mban xhepi,”– shprehet ndër të tjera Hoxha.