Pas 3 orësh përfundon takimi mes VV dhe LDK-së/ Cili do jetë reagimi i Thaçit

Pothuajse pas 3 orësh përfundoi marrëveshje-takimi i sotëm mes Lidhjes Demokratike të Kosovës dhe Lëvizjes Vetëvendosje.

Zëdhënësi i LDK-së, Besian Mustafa, ka folur pas takimit tre orësh në mes të krerëve të LDK -së dhe Lëvizjes Vetëvendosje.

Mustafa ka thënë se ka lëvizje të pozicioneve të dy partive, dhe ka paralajmëruar edhe një takim për nesër. “Ka përfunduar. Kemi lëvizje në përpjekje për marrëveshje. Do të kemi edhe një takim të radhës nesër”, ka thënë Mustafa.

Kujtojmë se edhe në takimin e djeshëm, midis Albin Kurtit dhe Isa Mustafës nuk pati një marrëveshje mes palëve. Ekspertë dhe politiakën të ndryshëm në Kosovë përpiqen që të shpjegojnë këtë ngërç mes palëve politike.

Ajo që bie në sy është një mos tolerim nga të dyja palët për sa i përket posteve që do të ndajnë mes tyre. Pritet edhe reagimi i Presidentit të Kosovës, Hashim Thaçi për këtë dështim.

🎙️ Podcast “Money Hour” | Fast News Economy

🏛️ LIGJET E BIZNESIT–Ligji në Kohë Reale për Biznesin Modern