Gazetari Ylli Rakipi ka dalë sot nga Gjykata e Tiranës, ku është përballur me dy padi të ngritura ndaj kryeministrit Edi Rama për akuzën e “fyerjes dhe shpifjes”.
Teksa foli përpara gazetarëve, Rakipi tha se ky gjyq është i paracaktuar dhe paralajmëroi se njerëzit e tij do të shpërndajnë së shpejti një video të Edi Ramës.
“Njerëzit e mi do t’iu shpërndajnë një video ku kryeministri shprehet i bimdut se do ti fitojë të gjitha gjyqet. Unë kam dy procese me kryeministrin, akuzohem se kam fyer kryeministrin Rama, ndërsa ai vetë i fyen gazetarët nga mëngjesi në darkë.
Jam në gjyq me kryeministrin e Republikës së Shqipërisë, ka një të re të rëndësishme në këto procese gjyqësore, është një nga ngjarjet më unikale, pasi Edi Rama tha se do të fitojë të 60 gjyqe që ka ngritur. D.m.th foli si të ishte gjyqtar me siguri që do t’i fitonte të gjitha. Gjykatat shqiptare nuk janë të vetmet, shumë shqiptarë kanë kërkuar të drejtën e tyre në Gjykatat ndërkombëtare, unë i kërkoj atij që të vij këtu në gjyq dhe të përballet, dhe jo të sjellë avokatët që kanë vendosur në shumë raste dhe se kush do të jetë trupat gjykuese”, deklaroi Ylli Rakipi.
