LIGJET E BIZNESIT
Pas kërcënimeve të disa zyrtarëve iranianë se Irani po mendon të hakmerret për vrasjen e liderit të forcave elitë Quds Kassem Sulejmani, ka ardhur dhe reagimi i presidentit të SHBA Donald Trump.
Me anë të një postimi në rrjetet sociale, Trump rendit arsyet e vrasjes së Sulejmanit dhe shprehet se Irani ka qenë problem për vite me rradhe dhe veprimet e fundit që ka kryer SHBA duhet të shërbejnë si një paralajmërim për këtë shtet.
“Nëse Irani vret qoftë një amerikan apo sulmon nje aset të amerikanëve, ne kemi në shënjestër 52 site iraniane që përfaqësojnë 52 amerikanët e marrë peng nga Irani shumë vite më përpara.”, vijon më tej Presidenti.
“Irani me guxim të madh thotë se ka në shënjestër disa asete të SHBA-së si hakmarrje për sulmin tonë ndaj liderit terrorist i cili vrau një amerikan dhe shumë të tjerë u plagosën rëndë, pa përmendur njerëz të tjerë që vrau gjatë jetës së tij përfshi dhe qindra protesues iranianë së fundmi. Ai gati po sulmonte ambasadën tonë dhe përgatitej të godiste në disa lokalitete të tjera.
Irani nuk ka qenë asgjë vetëm problem për shumë vite. Le të shërbejë kjo si PARALAJMËRIM. Nëse Irani vret qoftë një amerikan apo sulmon nje aset të amerikanëve, ne kemi në shënjestër 52 site iraniane që përfaqësojnë 52 amerikanët e marrë peng nga Irani shumë vite më përpara. Disa nga këto site janë tepër të rëndësishme për Iranin, kulturën iraniane. Irani vetë do të GODITET SHUMË SHPEJT E SHUMË FUQISHËM. SHBA nuk do më kërcënime!”, thekson Donald Trump në reagimin e tij.
🎙️ Podcast “Money Hour” | Fast News Economy
🏛️ LIGJET E BIZNESIT–Ligji në Kohë Reale për Biznesin Modern
