Modelja e njohur Ashley Graham, përmes postimeve në rrjetet sociale tregon se nuk e ka problem të ekspozojë format e saj të kolme.
Edhe pse është në një pritje të ëmbël për herë të parë, 32-vjeçarja nuk ka komplekse që të ndaj mesazhe të ëmbla me ndjekësit e saj. Graham nuk di të ndalet me postimet seksi.
Një ditë më parë ajo ka publikuar një foto pa censurë. Në imazhin në fjalë, ajo shfaqet e ulur në një karrige dhe është pa asnjë rrobë veshur, e sigurisht që e gjithë vëmendja është te barku i saj i rrumbullakosur.
Krahas kësaj fotografie, Ashley ka shkruar se si ka ndryshuar jeta që nga viti 2010, viti kur u martua me dashurinë e jetës së saj. Ajo shton se gjatë kësaj periudhe ka shumë gjëra për të cilat duhet që të jetë falënderuese.
