Mbrëmjen e djeshme ishte nata e parë e Top Talent 3, pati momente plot spektakël, por disa prej tyre ishin edhe me debate të forta mes konkurentëve dhe anëtarëve të jurisë, ku një prej tyre ka qenë ai midis Olti Currit dhe Aurorës, konkurrentes që çeli garën dhe konkurron për prezantim.
Debati nisi pasi konkurentja i ka kthyer përgjigje kritikave që i ka bërë Olti Curri mbi mënyrën sesi ajo prezantonte në skenë. Por kjo nuk i ka pëlqyer aspak Currit, i cili përmes konkurentes ka shigjestruar dhe goditur njëherëzi Alketa Vejsiun dhe modelin e saj të prezantimit, sipas bordo.al
“Nuk the asgjë të re, the atë hapje që do bënte çdo spiker nga mosha 18 deri 88 vjeçe” – tha Olti, ndërsa konkurentja u shpreh se është origjinale dhe nuk ka kopjuar askënd.
Por, u duk sikur në fakt ky moment ka ndezur edhe reagimin e influencerit, teksa Aurora këmbënguli se prezantimi i saj ishte pjesë e formatit të spektaklit. “Mos u mbro. Ti pas 5 vitesh mund të prezantosh edhe festivalin në TVSH, por thjesht do të ndërrosh fustanet dhe do këndosh për veten tënde” – tha Olti Curri duke ironizuar Alketa Vejsiu, pas debatit që përfshiu median fill pas festivalit në TVSH në muajin dhjetor.
