Mbrëmjen e kaluar një makinë është përfshirë nga flakët në Elbasan.
Sipas informacioneve automjeti është në pronësi të ish-shefit të policisë gjyqësore Edvin Gjyli.
Arsyet nuk dihen ende por dyshohet se motive është për shkak të detyrës.
Edvin Gjyli është një nga dy efektivët e policisë me detyrë inspektor i Krimeve të Rënda i pezulluar nga detyra, pasi nxorrën sekretin hetimor të zbulimit të arsenalit të armëve që u gjend në Papër të Elbasanit.
Djegia e automjetit ka ndodhur pranë banesës së tij në doganën e Elbasanit.
Grupi hetimor vijon hetimet për zbardhjen e plotë të rrethanave të ngjarjes.
NJOFTIMI ZYRTAR I POLICISE
Në lagjen “28 Nëntori”, Elbasan, ka rënë zjarr në mjetin tip “Volkswagen”, në pronësi të shtetasit E.Gj., ( punonjës i Policisë në Komisariatin Elbasan), i cili ishte i parkuar dhe si pasojë mjeti është djegur pjesërisht.
Grupi hetimor ndodhet në vendngjarje dhe po punon për zbardhjen e shkakut të zjarrit dhe dokumentimin e ngjarjes.
