LIGJET E BIZNESIT
Detaje tronditëse vijojnë të dalin nga rrëmbimi dhe vrasja e 49-vjecarit Jak Prenga në Kamëz më 17 janar.
Forcat RENEA dhe policia e Tiranës dhe ajo e Durrësit, ka zbuluar se Prenga ka humbur jetën pas dhunës të ushtruar nga autorët.
Policia bën me dije se pasi Jak Prenga është dhunuar dhe rrëmbyer, autorët e kanë marrë me makinë për ta çuar në resortin “Golden”, në Shijak, por që ai ka humbur jetën rrugës.
Në lidhje me këtë ngjarje të rëndë janë arrestuar katër persona Bajram Hajri, djali i tij, Leonard Hajri, Olsi Turja dhe Elton Hajri.
Si arriti të zbulohej e gjithë ngjarja?
🎙️ Podcast “Money Hour” | Fast News Economy
🏛️ LIGJET E BIZNESIT–Ligji në Kohë Reale për Biznesin Modern
Policia kishte informacione se Prenga ishte marrë peng nga të afërm të Altin Hajrit, “koka” i një grupi kriminal që trafikon heroinë. Ai ka qenë në konflikt me vëllezërit e Jak Prengës për mosdorëzimin prej tyre të një sasi lënde narkotike kokainë. Përgjatë dy ditëve me radhë policia ka ushtruar kontrolle në disa banesa në Shijak.
Gjatë këtij aksioni te resorti luksoz “Golden”, policia ka sekuestruar kamerat e sigurisë, prej ku kanë parë se nga një automjet me ngjyrë të bardhë tip “Benz”, me të cilin është kryer pengmarrja, autorët kanë nxjerrë një trup të pajetë.
Pak minuta më vonë, makina është larguar nga kompleksi luksoz “Golden”, i cili është në pronësi të Altin Hajrit, “kapos” së drogës, dhe kur është kthyer nuk ka qenë pengu, por vetëm autorët e krimit. Kjo ka ngritur dyshime të forta nga policia se Jak Prenga të ketë vdekur, ndërsa vijojnë kërkimet për gjetjen e trupit të tij të pajetë, i cili është zhdukur nga vrasësit.
