LIGJET E BIZNESIT
Gazetari i njohur investigativ Artan Hoxha ka treguar edhe njëherë mënyrën sesi arriti që të merrte në dorë, videon e bujshme të kryebashkiakut të Bulqizës, Lefter Alla duke pirë kokainë në ambientet e një lokali.
Hoxha u shpreh mbrëmë në programin opinion se këtë video tashmë e dispononte prej katër muajsh.
“Prej 4 muaj e kam patur këtë video. Video është xhiruar pasi ka marrë mandatin. Nga momenti i parë që kam rënë në dijeni, kam qenë duke u marrë me diçka tjetër në Bulqizë. Me botën e krimit në mineralin e kromit. Duke bërë këto kontakte, rastësisht rashë në këtë video”, tregoi Artan Hoxha në emisionin Opinion.
Pasi doli si lajm, gazetari tha se kishte shumë kryetarë bashkie të cilët dërguan njerëz që e kanë pyetur.
Sa i sigurt është Artan Hoxha që personi në video është Lefter Alla?
🎙️ Podcast “Money Hour” | Fast News Economy
🏛️ LIGJET E BIZNESIT–Ligji në Kohë Reale për Biznesin Modern
“Kam bërë verifikimet, në fillim rashë në dijeni të faktit që aty përdoret lëndë narkotike nga këta funksionarë. Ky është një problem i madh në disa qytete të tjera. Duke hulumtuar personalitetin e tij nuk më përputhej, nuk ka ngarkesë penale apo kriminale, ka mbaruar shkollën për mësues edukim fizik, ka qenë mësues fizkulture.
Nga gjithë ajo video unë kam shkëputur vetëm një moment, unë nxora atë pasazh që mendoj unë se ka vlerë. Unë qëllimisht kam hequr time code për të mos zbuluar, orën datën, lokalin, unë nuk dua të identifikojë qytetarë që mund të kenë pasoja nga kjo video sepse mund të akuzohen që kanë publikuar këtë video.
Ajo është kamerë sigurie, filmimi që kam unë ka një zë. Kamera vetë është me rezolucion të lartë, lokali vetë nuk ka interes të ta jap këtë video. Një person me celular ka filmuar mbi ekranin e kompjuterit, këtë gjë mund ta kenë bërë shumë njerëz. Sot nuk i identifikojmë dot që është burimi”, deklaroi gazetari nga studio.
