Gjykata e Korçës, për të dytën herë ia kthen Prokurorisë dosjen e hetimit për vrasjen e Altin Balliut një vit më parë.
Ndërkohë, gjatë seancës së radhës të gjykimit paraprak për vrasjen e Altin Balliut, Gjykata ia kthen sërish dosjen Prokurorisë, duke i lënë detyrë të thellohë hetimt edhe për një bashkëpunëtor në vrasje.
Ndërkohë, familjarët e viktimës pohojnë se Olger Mustafa është ndihmuar natën që ndodhi ngjarja nga një shok i tij. Sipas Gjykatës, ky i fundit nuk është hetuar nga Prokuroria.
Mësohet se ky person është shoqëruar për disa orë në Komisariat dhe më pas prokuroria e ka lënë të lirë, sipas pohimeve të familjarëve.
Ndërkohë, Prokuroria ka afat deri në fund të janarit për të plotësuar mangësinë e konstatuar nga gjykata në Hetime.
Më herët familjarët e Altin Balliut akuzuan prokurorin e çëszhtjes Edmon Shytko për anësi dhe favorizim të autorit të krimit.
