Nisin reshjet e borës në vend, këto janë rrugët më problematike

Pasi në disa zona të Shqipërisë kanë nisur edhe reshjet e para të dëborës, Autoriteti Rrugor Shqiptar ka dalë me një informacion zyrtar në lidhje me situatën në disa akse rrugore.

Ndër të tjera ARRSH jep edhe disa këshilla për shoferët ku thekson se duhet të tregohen të kujdesshëm dhe të reduktojnë shpejtësinë si dhe të vendosin goma dimërore dhe zinxhirë.

SITUATA

Rajoni Verior
Reshjet e borës kanë filluar të lehta në Tropojë Dibër dhe Fushë Arrëz-Kukës  por pa sjellë probleme për qarkullimin.
Kompania e mirëmbajtjes ka bërë trajtimin me kripë  dhe është në terren me mjete e punëtorë  nuk ka probleme në qarkullim.

Rajoni Qendror
Ka pasur reshje bore në Steblevë, është bërë pastrimi i rrugës dhe trajtimi me kripë, nuk ka probleme me qarkullimin.

Rajoni Jugor
Kanë filluar reshjet e dëbores me intensitet të ulët në segmentet e mëposhtëme:

– Qafë Thanë-Korçë-Kapshticë
– Qafë e Qarrit-Korçë-Ersekë
– Boboshticë-Dardhë
– Korçë-Voskopojë
– Zëmblak-Goricë.

Në të gjitha segmentet qarkullohet pa zinxhirë
Kontraktorët janë në terren dhe në gadishmëri për çdo situate, me qëllim sigurimin e kalueshmerisë normale në të gjitha akset.
Drejtuesit e mjeteve të tregohen të kujdesshëm, të reduktojnë shpejtësinë, të ndjekin udhëzimet e Policisë Rrugore të pajisen me goma dimërore dhe zinxhirë, të respektojnë sinjalistikën horizontale dhe vertikale.