Ngjarje tragjike/ I riu shqiptar vritet e më pas hidhet në lumë

Një ngjarje tragjike është regjistruar në Itali. Një 20-vjeçar shqiptar, me origjinë nga Kosova është gjetur i vrarë. Duke iu referuar raportimeve të mediave lokale, bëhet e ditur se i riu është gjetur i vdekur në një kanal.

Ndërkaq, më tej shtohet se Erion Morina është më prejardhje nga fshati i Drenocit i Malishevës. Ndërsa sipas asaj që raportojnë mediet italiane, Morina pas një mosmarrëveshjeje me disa persona është sulmuar me grushte e më pas me armë të ftohtë.

Vrasësit e Morinës, e kanë tërhequr atë disa metra nga vendi që ka nisur sherri e më pas e kanë qëlluar dhe më tej e hodhën në një lumë. Trupi i pajetë është gjetur disa orë pas krimit, pasi në anë të lumit janë parë shenja gjaku.