LIGJET E BIZNESIT
Kryeministri Edi Rama ditën e sotme ishte i pranishëm në një konferencë për gazetarët në Vjenë, si kryesues i OSBE-së gjatë vitit 2020.
Teksa u pyet se çfarë do të bëjë për Kosovën tani që do të jetë në krye të OSBE-së u shpreh se do të bëjë çfarëdo që ka në dorë. Gjithashtu nuk harroi të shtonte se tashmë në Prishtinë është ‘armik’ pas përlasjeve që ka pasur me kryeministrin në largim Ramush Haradinajn.
Pjesë nga biseda
Gazetari: Çfarë do të bëjë Shqipëria për Kosovën tashmë që do të jeni në krye të OSBE-së
Rama: Do t’i bëjmë të gjitha ato që kemi premtuar. Nuk po e marrin drejtimin e OSBE-së për të shpikur OSBE-në nga e para. Jemi drejtues të organizatës për një vit dhe është një drejtim në koordinim me të tjerët. Mendoj që kemi kapacitetin e duhur për të bërë diçka për Kosovën, aq më tepër që në Prishtinën zyrtare jam tradhëtar dhe në Beogradin zyrtar jam nacionalist i flaktë shqiptar.
🎙️ Podcast “Money Hour” | Fast News Economy
🏛️ LIGJET E BIZNESIT–Ligji në Kohë Reale për Biznesin Modern
Kryeministri Edi Rama ka pasur përplasje me kryeministrin në largim të Kosovës Ramush Haradinajn. Madje Rama është shprehur se do ta padisë Haradinajn. Rama e cilësoi “palo burrë” dhe “palo kryeministër” Haradinajn, në lidhje me deklaratat ku ky i fundit ka akuzuar kryeministrin Edi Rama se bashkë me Thaçin dhe Vuçiç ka planifikuar ndarjen e Kosovës. Për këtë deklaratë Haradinaj u shoreh se nuk tërhiqet nga qëndrimet e tij duke këmbëngulur në planin për ndarjen e Kosovës. /dosja.al
