Për të gjithë ata persona që ju nevojitet të aplikojnë për të marrë një dëshmi penaliteti, bëhet me dije se rregullat kanë ndryshuar dhe nuk do të jenë më të njëjtat në vitin që sapo hymë.
Lajmi bëhet i ditur nga kryeministri Edi Rama, i cili shkruan se nga sot ky shërbim do të kryhet me zero lekë, përmes smartfonit apo kompjuterit, duke hyrë në portalin e-albania dhe brenda 6 ditësh vjen dhe përgjigja me vulë elektronike.
POSTIMI I PLOTE I KRYEMINISTRIT EDI RAMA
Deri javën e shkuar, për 30 vjet me radhë, për të marrë një DËSHMI PENALITETI, aplikohej në postë, me një pagesë 430 Lek. Aplikimi shkonte tek zyra e gjëndjes gjyqësore, ku bëheshin verifikimet për RRETH 15 DITË mesatarisht dhe më pas, dëshmia i dërgohej qytetarit prapë në postë, ku ai duhet të shkonte përsëri për ta marrë?
Çdo ditë kryhen mesatarisht 400 aplikime të tilla, pra 12 mijë qytetarë në muaj shkonin mbanin radhë në postë, një herë për ta kërkuar dhe një herë për ta marrë dëshminë?
Sot ky shërbim kryhet me ZERO LEKË, përmes smartfonit apo kompjuterit, duke hyrë në portalin e-albania, ku BRENDA 6 DITËSH vjen edhe përgjigja me vulë elektronike?
#RevolucionDigjital2020??? #ShërbimePublike #PaRadha #PaRryshfet #PaEcejake?
Administrata në këmbë për qytetarin?Jo më qytetari në këmbë për administratën?
