Ndodh në Rinas/ 27-vjeçari tenton të kalojë kufirin por ndalohet nga policia, ja çfarë iu gjet

Ditën e sotme Policia Kufitare e Rinasit ka sekuestruar 20.000 euro që i përkisnin një 27-vjeçari, i cili ka tentuar të kalojë kufirin.

Shuma e padeklaruar e parave i është gjetur në çantën e shpinës,  ndërkohë që 27-vjeçari me iniciale F.K është proceduar penalisht.

NJOFTIMI ZYRTAR I POLICISE

Policia Kufitare e Rinasit parandalon një rast të transfertës së parave jashtë shtetit, në mënyrë të kundërligjshme. Evidentimi, si rezultat i masave të shtuara, në zbatim të planit të masave për parandalimin dhe goditjen e paligjshmërisë.

Sekuestrohen 20000 euro, procedohet penalisht një 27-vjeçar. Shërbimet e Policisë Kufitare të Rinasit, në dalje të RSH-së, gjatë kontrolleve të ushtruara kanë përzgjedhur për kontroll në vijën e dytë, shtetasin F. K., 27 vjeç, banues në  Durrës.

🎙️ Podcast “Money Hour” | Fast News Economy

🏛️ LIGJET E BIZNESIT–Ligji në Kohë Reale për Biznesin Modern

Gjatë kontrollit të ushtruar, shtetasit të lartpërmendur iu gjet në çantën e shpinës shuma monetare prej 20000 eurosh, që ishte e padeklaruar në doganë. Në përfundim të veprimeve të para hetimore të kryera nga specialistët e Policisë Kufitare në Rinas, materialet në ngarkim të këtij shtetasi i kaluan prokurorisë, për veprime të mëtejshme, për veprën penale “Mosdeklarim i vlerave monetare në kufi”.