NATO mblidhet për Iranin, çfarë qëndrimi mban Aleanca?!

Ambasadorët e NATO-s u takuan ditën e sotme në Bruksel mes tensioneve të vazhdueshme të Lindjes së Mesme.

Në takim u diskutua lidhur me qëndrimin që do të mbajnë pas tensioneve në rritje mes Iranit dhe Shteteve të Bashkuara, duke vënë theksin te rëndësia për de-eskalimin e situates.

Tensionet mes SHBA dhe Iranit kanë arritur pikën kritike pasi me urdhër të presidentit amerikan Donald Trump, forcat amerikane ekzekutuan me dron gjeneralin e lartë iranian Kasem Soleimani, i konsideruar si njeriu i dytë më i pushtetshëm në republikën islamike.

Pas takimit, Sekretari i Përgjithshëm Jens Stoltenberg tha se Irani duhet të shmangë “dhunën e mëtejshme”. “Në takimin tonë sot, Aleatët bënë thirrje për përmbajtje dhe de-përshkallëzim. Një konflikt i ri do të ishte në interesin e askujt, kështu që Irani duhet të përmbahet nga dhuna dhe provokimet e mëtejshme,” tha Stoltenberg.

Çfarë diskutoi NATO?

🎙️ Podcast “Money Hour” | Fast News Economy

🏛️ LIGJET E BIZNESIT–Ligji në Kohë Reale për Biznesin Modern

“Ekziston një shqetësim i madh në lidhje me vendimin e parlamentit Irakian për të hequr të gjitha trupat e huaj,” tha Terri Schulz për DË në Bruksel. “NATO është shumë e shqetësuar për misionin e tyre të trajnimit atje, i cili ishte pezulluar përkohësisht brenda 24 orëve nga vrasja.”

“Gjermania, Franca dhe vendet e tjera të NATO-s ka të ngjarë të kërkojnë udhëzime nga SH.B.A. në takimin e NATO-s,” shtoi ajo. “Vendet e Bashkimit Evropian janë duke ecur në një shtrëngim midis aleatit të tyre Shtetet e Bashkuara dhe dëshirën e tyre për ta mbajtur Iranin në marrëveshjen bërthamore.”