“Mos flisni me policinë, ai është mirë” si i ‘qetësoi’ familjarët vëllai i Jak Prengës, telefonata që bëri pas rrëmbimit

Vijojnë të zbardhen detaje të tjera në lidhje me rrëmbimin dhe më pas vrasjen e 49-vjeçarit Jak Prenga më 17 janar në zonën e Kamzës.

Sot janë zbardhur dhe bisedat e përgjuara të vëllait të viktimës, Astrit Prengës, me familjarët e tij, pak pas rrëmbimit.

Sipas gazetares Klodiana Lala, në bisedat e përgjuara nga autoritetet britanike, ku ndodhet Astriti, dhe autoriteteve shqiptare, dëgjohet Astrit Prenga duke iu kërkuar familjarëve të tij në Kamët të mos flasin me policinë për rrëmbimin e të vëllait.

“Qëndroni larg vëmendjes së policisë, mos jepni detaje për zhdukjen e Janit. Doda është mirë dhe po mbahet peng në zonën e Shijakut”, dëgjohet Astriti në bisedat e përgjuara nga kamerat ambientale të vendosura në banesat e tyre.

Më tej, Astriti dëgjohet duke thënë se e kishte kthyer pjesën e kokainës, që kishte marrë, dhe se po përpiqej që ta kthenin edhe miqtë e tij.

Por më pas situata rezultoi tragjike, pasi tashmë është provuar se Jak Prenga humbi jetën për shkak të torturave dhe dhunës, por gjetja e trupit të pajetë ende nuk është bërë e mundur, dhe pse dyshohet se është groposur në zonën e Shijakut.