Misteri/ 72-vjeçari vdes në motel, zhduket pa gjurmë femra që e shoqëronte

Një ngjarje e rëndë ka ndodhur ditën e djeshme në Gjilan, Kosovë.

Bëhet fjalë për një 72-vjeçar, i cili ka ndërruar jetë në dhomën e motelit.

Rasti është konfirmuar nga Policia Rajonale e Gjilanit, ku bëhet me dije se i moshuari kishte shkuar në motel i shoqëruar nga një femër, e cila është larguar nga vendi i ngjarjes.

Policia është vënë në kërkim të saj.

Detaje për rastin në fjalë ka dhënë dhe zëdhënësi i Policisë Rajonale në Gjilan.

“Është raportuar se është gjetur pa shenja jete një 72-vjeçar në një motel. Njësitë relevante kanë dalë në vendin e ngjarjes ku ekipi mjekësor e ka konstatuar vdekjen e viktimës. Me vendim të prokurorit trupi i pajetë është dërguar në IML për obduksion”, ka deklaruar Ismet Hashani, për Periskopin.