Mesazhi për Trump/ Reagon Edi Rama për vrasjen e gjeneralit iranian

Pas vrasjes së Kasem Sulejmanit, komandantit të forcave iraniane Quds, ka reaguar Kryeministri Edi Rama me anë të një postimi në rrjetet sociale.

Teksa e përmend presidentin Trump në Twitter, Rama thotë se Shqipëria “aprovon fort” qëndrimin e presidentit amerikan ndaj “aktivistit dashakeq të regjimit të Teheranit”.

“Si një vend që kemi njohur më parë veprimtarinë e padrejtë të Iranit kundër botës së lirë, dhe mbajtëm distancë të qartë prej saj, Shqipëria nuk ka sesi të mos e mbështesë fort qëndrimin e presidentit amerikan ndaj një aktivisti dashakeq të regjimit të Teheranit! Ne qëndrojmë të vendosur me SHBA dhe shpresojmë se të gjithë do e bëjnë këtë”, shkruan kryeministri Edi Rama.