Mblidhen 50 mijë firma për sistemin proporcional, Rudina Hajdari pro ndryshimit

Përfaqësues së Nismës Thurje, mblodhën mbi 50 mijë firma qytetarësh me të drejtë vote. Pas mbledhjes së firmave, i kanë dorëzuar bashkëkryetares së komisionit parlamentar të Reformës Zgjedhore, Rudina Hajdarit, propozime që synojnë ndryshimin e sistemit zgjedhor.

Ndërsa, Nisma Thurje kërkon që në zgjedhjet e ardhshme të votohet me një sistem zgjedhor proporcional kombëtar me lista të hapura deputetësh.

Prej kohësh, Rudina Hajdari ka mbështetur idenë e ndryshimit të sistemit zgjedhor, gjë që pati mundësinë ta përsëriste edhe një herë para mediave.

Rishikimi i sistemit, për Ralf Gjonin, jo domosdoshmërisht do të thotë krijim i partive të reja.

Në mbledhjen e fundit të komisionit të posaçëm parlamentar, dhjetorin e kaluar, të njëjtin propozim për kalim në sistem zgjedhor proporcional kombëtar me lista të hapura, e ka depozituar në Kuvend edhe deputeti Myslim Murrizi.