Marrëveshja për Reformën Zgjedhore, reagon Ambasada e SHBA

Ambasada e SHBA në Tiranë, ka përshëndetur marrëveshjen e palëve politike nga ana e mazhorancës dhe opozitës, ku ranë dakord që të punojnë bashkë për Reformën Zgjedhore.

Sipas këtij institucioni, ky hap i ndërmarrë sot është i rëndësishëm për të trajtuar plotësisht rekomandimet e ODIHR.

“Reforma do të mbështesë procese zgjedhore të efektshme dhe të besueshme dhe do të forcojë demokracinë shqiptare. Ne shpresojmë që palët të vijojnë të ecin përpara me këtë frymë aktuale bashkëpunimi, për t’u siguruar që zgjedhet në Shqipëri të jenë të lira nga mashtrimi, ndërhyrja dhe korrupsioni”, thuhet në reagimin e ambasadës.