Marrëveshja PD-PS për Reformën Zgjedhore, gazetari zbulon kush ishte negociatori që uli palët në tryezë

Dje u shënua një nga ngjarjet më të bujshme në politikën shqiptare.

Bëhet fjalë për marrëveshjen për Reformën Zgjedhore, ku palët politike u ulën në tryezë pas rreth një viti “luftë” të ndërsjelltë jashtë Kuvendit.

Përfaqësuesit e dy partive opozitare PD me Oerd Bylykbashin dhe LSI me Petrit Vasilin, u ulën në tryezë me Damian Gjiknurin e PS dhe Rudina Hajdarin si përfaqësuese e opozitës së re në parlament, dalë nga listat e PD.

Por mesa duket e gjitha kjo situatë nuk ka qenë dhe aq e papritur.

Detaje të forta janë zbuluar mbrëmjen e djeshme nga gazetari i njohur Robert Rakipllari.

I ftuar në programin “Opinion”, ai ka treguar se personi negociator që arriti të ulte palët në tryezë është ambasadori i Britanisë së madhe në Tiranë, Duncan Norman.

“Unë di që bazamenti i kësaj që është arritur sot, është një lloj pakti i detyruar për të nisur diskutimin për rregullat e lojës.

Opozita ka ndjekur një strategji të caktuar dhe tani jemi në këtë situatë. Bazamenti i kësaj historie është rezoluta e parlamentit gjerman. Procesi ka vijuar, unë di që në një tryezë që është bërë në Sheraton për reformën zgjedhore ku ka shkuar edhe Ivi Kaso ka patur një ndërmjetësim të fortë amerikan.

Zoti Palmer ka patur një bisedë me zotin Basha për këtë takim. Së fundmi negociatori kryesor që ka ulur palët është ambasadori britanik”, u shpreh Robert Rakipllari.