LIGJET E BIZNESIT
Detaje të reja vijojnë të dalin nga krimi që tronditi Tiranën, ku Eredet Çapoku vrau kunatën e tij Enkeleda Çapoku në banesën e kësaj të fundit në Paskuqan.
Mësohet se dy vjet më parë Enkelejda dhe kunati jetonin bashkë në një shtëpi me qira.
Më pas ata u ndanë dhe kjo solli konflikte mes tyre.
Sipas nënës së viktimës ata e larguan Eredetin pasi ai merrej me drogë.
Më pas Enkelejda është kërcënuar për një kohë të gjatë nga autori, i cili e përndiqte, e fotografonte sa herë dilte nga shtëpia dhe materialet ja dërgonte bashkëshortit të viktimës, i cili vuante dënimin në burg me 10 vjet heqje lirie për trafik droge.
Madje kunati e kishte marrë shtëpinë në të njëjtën lagje me viktimën për të parë lëvizjet e saj.
Edhe pse viktima e ka denoncuar në polici dhe ka marrë urdhër mbrojtje, asgnjë nga këto veprime nuk e ka ndaluar autorin që të kryente më pas krimin makabër, duke e vrarë në mes të natës.
Të gjitha këto fakte i ka rrëfyer nëna e Enkelejdës, e cila ka qenë e pranishme në banesë mbrëmjen e djeshme në kohën që është kryer krimi, ku ka parë të gjithë skenën.
Ajo tregon se kunati e ka prerë Enkeledën me thikë nga hunda e deri te goja e më pas e ka goditur te damarët e dorës, duke i shkaktuar vdekjen e menjëhershme.
Edhe pse e reja është dërguar në spital, përpjekjet kanë rezultuar pa sukses pasi ajo kishte ndërruar jetë.
