LIGJET E BIZNESIT
Një nga fenomenet më shqetësuese në shoqërinë shqiptare pa dyshim është dhe ai i korrupsionit.
Së fundmi, organizata Transparency International ka publikuar Indeksin e Perceptimit të Korrupsionit për 2019.
Bien ë sy fakti se Shqipëria në krahasim me raportin e një viti më parë, ka humbur 7 pozicione.
Gjithsej në këtë raport të organizatës së njohur ndërkombëtare janë 180 vende të botës,të renditur për nga niveli i korrupsionit në sektorin publik, ku Shqipëria renditet në vendin e 106 me 35 pikë.
Së bashku me Shqipërinë në vendin e 106 renditet edhe Maqedonia e Veriut, Alergjia, Egjipti dhe Brazili.
🎙️ Podcast “Money Hour” | Fast News Economy
🏛️ LIGJET E BIZNESIT–Ligji në Kohë Reale për Biznesin Modern
Ndërkohë Kosova radhitet e 101-ta me 36 pikë. Krahasuar me vitin e kaluar ka shënuar përkeqësim në luftën kundër korrupsionit, pasi ka qenë në vendin e 93-të, me 37 pikë.
Indeksi i Perceptimit të Korrupsionit të këtij viti (IIK) zbulon se shumica e vendeve po tregojnë pak ose aspak përmirësim në trajtimin e korrupsionit.
Analiza gjithashtu tregon se korrupsioni është më i përhapur në vendet ku paratë mund të rrjedhin lirshëm në fushatat elektorale dhe ku qeveritë dëgjojnë vetëm zërat e individëve të pasur ose të lidhur mirë me ta.
Vendet që kryesojnë këtë renditje janë Zelanda e Re dhe Danimarka, me rezultate 87 secila, pasuar nga Finlanda (86), Singapori (85), Suedia (85) dhe Zvicra (85).
Vendet më të dobëta për sa i përket korrupsionit janë Somalia, Sudani i Jugut dhe Siria me rezultate përkatësisht 9, 12 dhe 13. Këto vende ndiqen nga afër nga Jemen (15), Venezuela (16), Sudan (16), Guinea Ekuatoriale, (16) dhe Afganistan (16).
