Së fundmi është diskutuar shumë tema e kryebashkiakëve të cilët kanë një të shkuar, në të cilën kanë shkelur ligjin ose janë dënuar.
Për të njëjtën gjë është folur dhe mbrëmjen e djeshme në programin “opinion”.
I ftuar ishte dhe gazetari investigativ Artan Hoxha, i cili foli për një video, ku shfaqet një kryebashkiak socialist që është filmuar duke pirë drogë, në ambjente të hapura.
Ndërkohë që ai nuk ka dhënë asnjë detaj se për kë bëhet fjalë.
PJESE NGA BISEDA
Artan Hoxha: Çështja e tërmetit e spostoi atë.
Gazment Bardhi: Kam dijeni, e kam parë videon, por nuk e disponoj.
Artan Hoxha: Dijeni mund të kenë, nuk e di nëse e kanë parë. Është në ambient publik, se po të ishte në zyrë nuk ke si e filmon. Nëse e merr narkotikun në banesë apo në një ambient të mbyllur, nuk ka asnjë problem se thua jam përdorues.
Përveç faktit që je i zgjedhur vendor, pastaj kalon në një nivel tjetër. Por, nëse e merr në ambient publik ky është problem. Kam ndjekur dhe rastet e denoncuara nga opozita, sigurisht për gjithë rastet kanë qenë pozitive, për faktin se i ka rrëzuar prokuroria më mbrapa. Gjej rastin ti përgëzoj.
Kontrolli duhet bërë para se ata të zgjidhen dhe jo pasi të zgjidhen. Ai proces zgjedhor ka pas një kosto për taksapaguesit shqiptar.
