Gruaja i vdiq 5 ditë pas martesës, Olsi rrëfen ditët e tmerrit: Nuk fle në dhomë, s’ma bën zemra (Video)

Rreth 3 javë më parë një ngjarje e rëndë tronditi Librazhdin por edhe mbarë opinionin publik ku Rezarta Hajdari u gjet e pajetë në dhomën e gjumit. Fillimisht dyshohej për një helmim, por kjo ngjarje dukej e mistershme derisa shkaku i vdekjes ishte një mangallë me prush të cilët e përdornin për ngrohje.

Ditën e sotme, Olsi Hajdari ishte i ftuar në emisionin “Shqipëria live” në Top Channel ndërsa mes lotësh tregon se e donte shumë bashkëshorten e tij. Ndërkohë, i pyetur se si e mendon jetën pa Rezartën, ai tha se e donte shumë dhe nuk mund ta harronte.

“Atë e kam dashur shumë shumë. Përkohësisht do të qëndroj këtu”, u shpreh Olsi.

Ndërsa, i pyetur nëse qëndron ende në dhomën e gjumit, ai rrëfeu mes lotësh se nuk qëndron më në dhomën e gjumit, duke shtuar se mban me vete unazën e Rezartës.

“Unë nuk kam fjetur më aty që prej asaj dite, nuk ma bën zemra të fle aty. Unazën e ruaj, e mbaj me vete”,  tha Olsi Hajdari.