LIGJET E BIZNESIT
Pronari i një banese në Lushnje ka ngritur në këmbë policinë duke thënë se i kishin vjedhur kasafortën.
Denoncimin ai e bëri një ditë më parë.
Por mesa duket situata ka ndryshuar ditën e sotme, duke u shprehur se shumën e kishte gjetur pasi kishte kontrolluar mirë në banesë.
Ndërkohë policia ka nxjerrë dhe njoftimin zyrtar ku ka sqaruar ngjarjen në fjalë.
NJOFTIMI ZYRTAR I POLICISE
Në lidhje me një lajm të nxjerë nga media se në Lushnjë është vjedhur kasaforta e shtetasit L. D, ju informojmë se:
Në datën 29.01.2020 është paraqitur pranë Komisariatit të Policisë Lushnjë shtetasi L. D, 52 vjeç, i cili kallzon se i kanë vjedhur një sasi eurosh në kasafortë.
Pas marrjes së kallzimit u ngrit grupi hetimor, u shkua në vendngjarje ku u kryen veprimet hetimore nga të cilat rezultoi se banesa s’kishte dëmtime as në dyer, as në dritare dhe kasaforta ishte e padëmtuar.
Ditën e sotme paraqitet sërish shtetasi L. D, në Komisariatin e Policisë Lushnjë ku deklaron se pasi kishte kontrolluar mirë në banesë, e kishte gjetur shumën e lekëve të cilat dyshonte se ja kishin vjedhur.
Materialet i kaluan Prokurorisë pranë Gjykatës së Shkallës së Parë Lushnjë për vlerësim.
