Një ngjarje e rëndë ka ndodhur orët e para të mëngjesit të sotëm, në hyrje të qytetit të Bilishtit.
Mësohet se një biznes karburanti ka rënë pre e grabitjes nga persona të maskuar.
Sipas policisë, grabitësit kanë hyrë në ambientet e brendshme ku kanë kërcënuar punonjësin me armë zjarri dhe kanë arritur të vjedhin një sasi lekësh.
Ende nuk dihet shuma e grabitur, ndërkohë që janë sekuestruar kamerat e sigurisë për të identifikuar autorët dhe arrestuar ata.
Sipas dyshimeve të para kanë qenë tre persona.
Policia vijon punën për zbardhjen e plotë të ngjarjes.
