Ditën e djeshme, reperi I njohur Gjiko, festoi 29-vjetorin e lindjes. Ndërsa në ditën e tij më të veçantë, mori urime të pafundme nga miqtë , të afërm, natyrisht dhe nga fansat e tij. Nuk kishte sit ë mungonte urimi më i ëmbëj I bashkëshortes së tij, Elira Rudi.
“Gëzuar ditëlindjen mashkulli i jetës sime, mbreti i kështjellës sime dhe shoku i shpirtit tim. Të duam shumë”, shkruante moderatorja në një postim në Instagram.
Por sigurisht që përveç urimeve, Gjiko ka marrë edhe dhurata të shumta. Por më specialen dhe më të kushtueshmën e ka marrë nga vetja e tij.
Reperi ka zbuluar përmes një postimi në “Instagram” se për ditëlindje i ka dhuruar vetës një makinë të tipit “Porsche”, e cila kap shifra marramendëse. “Lumturia është aroma e një makine të re. Gëzuar ditëlindjen Gjiko”, shkruan reperi krahas fotos ku tregon edhe mjetin e tij më të ri.
Kujtojmë se reperit të njohur i pëlqejnë makinat dhe duket se ai nuk kursehet aspak kur bëhet fjalë për blerje të tilla.
