Era e fortë që bëri ‘kërdinë’, 5 persona përfunduan në spital, ja sa shkoi shpejtësia

Si pasojë e erërave të forta që përfshinë ditën e djeshme vendin tonë në kohën e pasdites, kanë mbetur të lënduar 5 persona.

Sipas informacioneve këta persona kanë kërkuar ndihmë te Spitali i Traumës pasi ishin lënduar me mjete të forta që binin nga lartësia.

Erërat ishin me shpejtësi që arrinte në 77 km/h, ndërkohë që pati raportime për dëmtime edhe në disa lokale, apo rrëzime pemësh dhe objektesh kryesisht nga katet e larta.

Moti i keq solli dëmtime në linja ajrore të rrjetit energjitik, duke lënë pa drita disa zona jo vetëm në Tiranë, por dhe në qytete të tjera.

Kujtojmë se si pasojë e erës u rrëzua dhe pema e Krishtlindjes në sheshin “Skënderbej” në Tiranë.

🎙️ Podcast “Money Hour” | Fast News Economy

🏛️ LIGJET E BIZNESIT–Ligji në Kohë Reale për Biznesin Modern

Një tjetër ngjarje e frikshme ishte rrëzimi i një depozite nga tarraca në zonën e Komunës së Parisit në Tiranë, por për fat të mirë nuk pati asnjë të lënduar.