Ekzekutimi në Rrëshen, zbardhen DETAJE të reja: Autori e qëlloi me snajper nga tarraca e pallatit…

Janë zbuluar detaje të reja nga ekzekutimi i biznesmenit Kastriot Reçi mëngjesin e sotëm në qytetin e Rrëshenit.

Mësohet se në momentin e vrasjes, Reçi sapo kishte dalë nga lokali i tij ku kishte konsumuar kafen e mëngjesit, ndërsa autori e vëzhgonte nga taraca e një pallati aty pranë. Autori ishte pozicionuar në tarracën e një pallati dhe e ka qëlluar Kastriot Reçin nga 150 metra larg, ndërsa menjëherë pas vrasjes është larguar. Autori është siguruar që Kastriot Reçi të mos i mbijetonte këtij atentati pasi i vetmi plumb që është qitur, e ka kapur biznesmeni në pjesën e majtë të kraharorit, direkt në zemër.

Armën e krimit, model snajper, autori i maskuar e ka lënë në katin e parë të pallatit nga ku ka kryer vrasjen, ndërsa kamerat e zonës e kanë fiksuar. Policia ka marrë në pyetje dhe bashkëshorten e 47 vjeçarit, e cila ka mohuar që Kastriot Reçi të kishte konflikte apo të ishte kërcënuar.

Sipas ‘Abc News’, dyshohet se krahas ekzekutorit ka patur edhe bashkpunëtorë të mundshëm. Policia ka marre ne pyetje disa persona, kryesisht familjare te viktimave qe dyshohet se jane vrare per llogari te vellezerve Reçi, por deri me tani nuk ka gjetur asnje gjurme te autorit.