E rëndë/ Për herë të dytë brenda pak ditësh, i burgosuri në Berat tenton vetëvrasjen (EMRI)

Një ngjarje e rëndë ka ndodhur brenda ambienteve të burgut të Beratit, ku i dënuari Shpëtim Kovaçi, i vëllai i Brunilda Sadushi (Kovaçit) ka tëntuar sërish vetëvrasjen.

Ai ka pirë një sasi të konsiderueshme detergjenti dhe pasi rojet e kanë parë, menjëherë është transportuar në gjendje të rëndë drejt Repartit të Urgjencës në Spitalin Rajonal të Beratit.

Mjekët e këtij spitali kanë deklaruar se, i burgosuri Kovaçi ka mbërritur në kohë dhe pas një lavazhi stomaku dhe medikameteve të marra është jashtë rrezikut për jetën.

Kujtojmë se Brunilda Sadushi (Kovaçi) është vajza që u gjet e vrarë dhe e djegur në një pyll të Francës në ditën e Krishtlindjeve.

Sipas të njëjtave burime, Shpëtim Kovaçi ka deklaruar pas vdekjes së motrës se, ajo ishte e vetmja në familje që kujdesej për të gjithë dhe që dërgonte lekë për tu ushqyer.

I burgosuri Shpëtim Kovaçi ka tentuar vetëvrasjen brenda ambienteve të Burgut të Beratit edhe disa ditë më parë, duke prerë damarët e qafës me briskun e rrojës në 11 Janar, në shenjë revolte se nuk u lejua të merrte pjesë atë ditë në funeralin e së motrës, Brunildës.