E rëndë/ Djali kërcënon me jetë babain, policia parandalon tragjedinë në familje

Ditën e sotme policia ka arrestuar një 35-vjeçar banues në fshatin Ballaban të Këlcyrës.

I riu ka kërcënuar me jetë të atin, dhe forcat e policisë kanë parandaluar një krim të mundshëm në familje duke i vënë prangat.

Mësohet se i arrestuari është shtetasi me iniciale A. B., 35 vjeç, i cili për motive të dobëta, ka kanosur për jetën babain e tij, shtetasin T. B., 66 vjeç.

Menjëherë, sapo kanë marrë njoftimin, shërbimet e Policisë kanë shkuar në vendngjarje duke parandaluar një krim të mundshëm në familje.

Materialet në ngarkim të shtetasit A. B. i kaluan Prokurorisë Pranë Gjykatës së Shkallës së Parë Përmet, për veprime të mëtejshme.