Ditën e sotme kryeministri i Rusisë Dimitry Medvedev ka dhënë dorëheqjen nga detyra pas 8 vitesh qëndrimi në pushtet.
Duke e pranuar këtë vendim të Medvedev, presidenti Vladimir Putin u ka kërkuar ministrave që të funksionojnë si qeveri e përkohshme derisa të formohet një e re.
Përpara se Dimitry Medvedev të njoftonte dorëheqjen, ai u takua me Putinin për të diskutuar mbi të ardhmen e Rusisë.
Sipas zyrës së shtypit në Kremlin, ky takim u zhvillua ditën e mërkurë.
Po nga të njëjtat burime bëhet me dije se Putin ka vendosur që të emërojë Medvedevin si zëvendës të Këshillit Presidencial të Sigurisë.
