E papritur/ Mazhoranca tërhiqet nga votimi për paketën anti-shpifje, ja arsyeja e fortë

Në rendin e ditës në seancën e sotme të parlamentit ishte parashikuar votimi për dekretin e presidentit Ilir Meta, i cili kërkoi mosmiratimin e paketës “Anti-Shpifje”.

Ndërkohë, edhe pse nuk pritej, mazhoranca është tërhequr nga votimi në Kuvend për këtë paketë.

Kreu i grupit parlamentar të Partisë Socialiste deklaroi nga foltorja e Kuvendit: Të shtyhet shqyrtimi i dekretit të Presidentit, deri sa te vije qendrimi i kerkuar nga Komisioni i Venecias.

“Kërkojmë që diskutimi të qëndrojë në program, por të shtyhet diskutimi deri sa Komisioni i Venecias, më 20 a 21 mars ta sjellë raportin e vet dhe sikurse kemi bërë në shumë momente te rëndësishme si të Reformës në Drejtësi, Venecia ka dhënë propozime shumë të mira që janë reflektuar, sikurse kemi edhe ligje të tjera që i kemi përmirësuar”- u shpreh Balla.