E hëna vjen me dëborë në Shqipëri, ulje temperaturash deri -12 gradë

Pasi lamë pas Dhjetorin, ku temperaturat ishin jo tipike dimërore, Janari ka hyrë me diell, por tejet i ftohtë.

Ndryshimi klimaterik nis javën që vjen. Duke nisur nga dita e hënën do të kemi ardhje të masave ajrore që vijnë nga veri verilindja, që kanë përfshirë Europën Qëndrore. Gjermania, Zvicra e Franca po përjetojnë temperature të acarta.

“Presim që ky ajër të zbresë drejt Ballkanit. Parashikohet të qëndrojë shumë pak. Të hënën dhe të martën temperaturat do të shkojnë në vlerën minimale në -11, -12 gradë celcius në zonat malore, kryesisht verilindja dhe juglindja presin këto temperature në ndonjë zonë të veçantë” u shpreh sinoptikania e meteoalb Lajda Porja për Ora News.

Gjithashtu bregdeti dhe zona e ulët do të kenë temperature të ulëta.

Tirana pritet që gjatë këtyre dy ditëve të shkojë edhe në -2 gradë dhe vlerat maksimale të jenë jo më shumë se 11- 12 gradë.

🎙️ Podcast “Money Hour” | Fast News Economy

🏛️ LIGJET E BIZNESIT–Ligji në Kohë Reale për Biznesin Modern

Këto vlera do të jenë deri të mërkurën. Pritet që më pas të ketë rritje temperature deri në mesin e Janarit. Në vlerë negative do të jenë vetëm zonat malore.

Fundjava do të ketë vranësira në të gjithë territorin, mirëpo prania e vranësirave dhe lagështirës parashikohet që të ftohtin do ta ndjejmë edhe më shumë.

Ndërkohë në zonat malore. Verilindja dhe juglindja do të ketë me reshje bore. Dëborë do të ketë dhe në Llogara, Përmet.