LIGJET E BIZNESIT
Menjëherë pas fjalimit të Ramës në parlament ka ardhur edhe replika e deputetes së opozitës së re në parlament Rudina Hajdari.
Ajo e ka akuzuar direkt kryeministrin Edi Rama për abuzimet me ndërtimet në vend.
Gjithashtu në fjalën e saj Hajdari foli me tone të ashpra se Rama ka mbështetur ish-kryebashkiakun e Durrësit Vangjush Dako për shkak se ka dhënë leje në ndërtesat që tashmë janë shkatërruar nga tërmeti i 26 nëntorit.
“E dëgjuat Kryeministrin? Foli sikur s’ka qenë kurrë në Shqipëri, dhe nuk di çfarë bëhet me ndërtimet, sikur nuk ka qenë kurrë kryetar bashkie dhe kryeministër. Kush e mbështeti betonizimin e Durrësit dhe Vangjush Dakon? Po ti del dhe flet këtu vetëm se do të dukesh do të dalësh në televizor. Nuk ngopesh shkon takon Angel Merkelin, takon Presidenten e KE vetëm për të bërë foto me to.
Endesh në Europë për egon tënde, do të tregosh se je lideri suprem..Mos shpifni. Shqiptarët ju kanë votuar. I keni vënë kryebashkiakë me rekorde krimnale dhe e keni çuar këtë vend keq e më keq. Flisni me shqiptarët ashtu si duhet folur. Sot asnjë mur nuk ndërtohet dot pa rrënë një rryshfet. E keni administratën të korruptuar. Shqipëria sot nuk ka kushtet më minimale. Bëhet sikur punohet nëpër spitale kur vjen ministrja.
Kemi mësues që sillen si ti dojë qejfi sepse nuk japin llogari.”, deklaroi Hajdari në fjalën e saj.
