Dy ditë pas lindjes së vogëlushit, ja si kujdeset Alfio për Fatmën

Çifti i njohur i showbiz-it, Fatma Methasani dhe Alfio Rrotani, dy ditë më parë u bënë prindër për herë të parë.

Një vogëlush erdhi në jetë të cilin e pagëzuan me emrin Noah. Menjëherë pas lindjes, çifti ka ndarë me ndjekësit në rrjete sociale momentet e para me të voglin, nëpërmjet disa fotove shumë të ëmbla.

Alfio mundohet ta ndihmojë sa më shumë partneren pas lindjes dhe e gjithë kjo tregohet me anë të një fotoje shumë të këndshme.

Në llogarinë e tij në Instagram, shefi i kuzhinës publikoi një foto ku komentuesit e cilësuan si partnerin shembullor, pasi ndihmonte Fatmën në dhomën e spitalit.

Ai shfaqet duke u përkujdesur për Fatmën pas lindjes, teksa i thante flokët pas dushit. “Skuadra e familjes”, shkruan Alfio krahas postimit me partneren e tij.

Fatma dhe shefi i kuzhinës e bënë publike lidhjen e tyre në tetor të vitit 2018 dhe që atëherë janë kthyer në një nga dyshet më të komentuara të showbiz-it shqiptar.