“Do nisë një sulm i madh” paralajmëron Rama: Koha e krimit në politikë dhe administratë ka marrë fund!

Kryeministri Edi Rama ka qenë sot i pranishëm në “Forumin Ekonomik të Tiranës”.

Në fjalën e tij ai ka paralajmëruar një sulm të madh që do të bëhet ndaj krimit të organizuar për ndarjen mes bizneseve legjitime dhe atyre kriminale.

“Biznesit të paligjshëm do i themi që ky nuk është vendi i tyre dhe duhet të kalojnë shume veshtiresi, ka ardhur koha ti shkojmë pas atyre seriozisht e të bëjmë të mundur që të gjithë këto gjera negative që kanë bërë me krimin e organizuar duke hyrë në administratë e politikë, kjo kohë ka marrë fund”, është shprehur Rama me tonë të ashpra.

PJESE NGA FJALA E KRYEMINISTRIT

Të punojmë që bizneset legjitime të kenë një trajtim më të mirë dhe shumë kapacitete për të projektuar për të ardhmen pa u përballur me ngjarje të paparashikueshme të administratës, nga krimi i organizuar e zhvatja.

Do arrijmë marrëveshje për një sulm shumë të madh kundër krimit të organizuar duke i kërkuar cdo personi të kërkuar për krime deri tani të provojë që asetet që ai apo ajo ka që vijnë nga biznese legjitime ndryshe asetet do konfiskohen”.

Kryeministri Rama nenvizoi disa problematika qe jane adresuar dhe do i jepet zgjidhje permes fiskalizimit dhe sistemit te gjurmimit dhe kerkimit.

“S’kemi transparencë sa i përket transaksioneve nga biznesi në biznes, ka shumë hije në këtë veprimtari, me fiskalizimin ne do shohim cdo sekond% të veprimtarive në internet e gjitha do shkojë përmes një truri digjital që do jetë nën monitorimin e administrates fiskale, kjo do parandalojë keqbërjen nga vetë administrata.

Hapi i dytë sistemi i gjurmimit dhe kërkimit që do zbatojmë nga produktet e akcizës deri tek ato ushqimore, ujin e pijshëm e barnat.

Cdo produkt që do hyjë në treg do gjurmohet, cdo pikë karburanti që del nga rrjeti i shpërndarjes e blehet nga qytetari do gjurmohet, cdo tablet barnash apo produkt që shitet në një supermarket do gjurmohet.